Өзбекстан президенті Шавкат Мирзиёев жұмыс сапарымен Түркияда жүргенде Түркі мемлекеттері ұйымының (ТМҰ) жаңадан тағайындалған бас хатшысы Мирвоҳид Азимовты қабылдады.
Кездесуде бас хатшының 11 қарашада қызметіне кіріскеннен кейінгі басым міндеттері және Өзбекстан мен ұйым арасындағы көпсалалы ынтымақтастықтың қазіргі жай-күйі мен даму перспективалары талқыланды.
Сондай-ақ 2027 жылы Өзбекстанда өтетін ТМҰ саммитіне тыңғылықты дайындық мәселелері қаралды. Іс-шараны ұйымдастыру және мазмұн жағынан жоғары деңгейде өткізу маңызды екені атап өтілді.
