3 қарашада Өзбекстан президенті Шавкат Мирзиёев Бухара қаласындағы Қошмедресе сәулет ансамблінің реставрация барысымен танысты.
Абдуллахан медресесі — XVI ғасырдағы өзбек сәулет өнерінің бірегей ескерткіштерінің бірі. Ол 1588–1590 жылдары Бұхара хандығын билеген Шейбанилер әулетінің өкілі Абдуллахан II бастамасымен салынған.
Медресенің жоспары мен ішкі құрылымы күрделі инженерлік шешімдерімен ерекшеленеді. Кешеннің оңтүстікке қараған негізгі кіреберісі көгілдір қыш тақташалардан жасалған геометриялық мозаикамен және жылтыр сәндік элементтермен безендірілген.
XVI ғасырда медресе Мәуереннахрдағы ірі әрі беделді жоғары білім және ғылым орталықтарының бірі болған. Мұнда діни пәндермен қатар араб тілі мен әдебиеті, логика, философия, математика, геометрия және медицина тереңдетіліп оқытылған.
Ансамбльдің оңтүстік бөлігінде Абдуллахан II 1566–1567 жылдары анасына арнап салдырған Модарихан медресесі орналасқан. Екі медресе бір ось бойында бір-біріне қарама-қарсы тұрғызылған.
Қошмедресе ансамблі 2023–2024 жылдары құны 6 миллиард сум болатын жоба аясында ішінара реставрациядан өтті. Қазір ансамбльге жыл сайын шамамен 1 миллион турист келеді.
Мирзиёевке ансамбльді одан әрі реставрациялау жоспары таныстырылды. Ол туристерге бұдан да қолайлы жағдай жасау жөнінде тапсырмалар берді.
