Қазақстанда асыл тұқымды мал басын жаңарту жұмыстары жалғасып жатыр. Бұл бағыттағы кезекті шара ретінде Австралиядан 250 бас герефорд және абердин-ангус тұқымды ірі қара жеткізілді.
Мал Ақтөбе қаласындағы Әлия Молдағұлова атындағы халықаралық әуежайға келіп, заңнамада көзделген ветеринариялық рәсімдерден өтті. Қазақстанның ветеринариялық талаптарына сәйкес, ірі қара 21 күн карантинде болды.
Осы кезеңде мамандар малдың физиологиялық жағдайын бағалап, індетті аурулардың клиникалық белгілерінің жоқтығын және ветеринариялық ілеспе құжаттардың талаптарға сәйкестігін тексерді. Ветеринариялық-санитариялық нормалардың сақталуына да назар аударылды.
