Ақтөбе облысында қысқы кезеңге жемшөп дайындау жоспары толық орындалды. Биыл шөп шабуға қолайлы жағдай қалыптасып, шаруашылықтар қажетті қорды жинады.
Ауыл шаруашылығы басқармасының дерегінше, өңірде 628 мыңнан астам ірі қара, 1,2 миллион қой мен ешкі, 417 мыңнан астам жылқы және 26 мың түйе бар.
Барлығы 2 млн 418 мың 500 тонна жемшөп, соның ішінде пішен, пішендеме, сүрлем, құнарландырылған жем және сабан дайындалды. Пішен көлемі 2 млн тоннадан, құнарландырылған жем 225 мың тоннадан асты, сабан 110 мың тонна болды. Қалғаны — пішендеме мен сүрлем.
