Шығыс Қазақстан облысының фермерлері мен тауар өндірушілері Алматыға 150 тоннадан астам ауыл шаруашылығы өнімін жеткізеді. Өңірлік жәрмеңке 14–15 қарашада Шевченко көшесінде, Пушкин және Қонаев көшелерінің аралығында өтеді.
Қала тұрғындары ет және ет өнімдерін, сүт және балық өнімдерін, бал, күнбағыс майын, шұжық өнімдерін, шай және самырсын жаңғақтарын сатып ала алады.
Тауарлардың бағасы орташа нарықтық бағадан 8–15% төмен болады. Өнімдерді Шығыс Қазақстан облысының фермерлері мен өндірушілері тікелей ұсынады.
