Қазақстанның Қазандағы Бас консулы Ерлан Искаков Nordwind әуе компаниясының бас директорының орынбасары — коммерциялық директоры Антон Маттиспен кездесіп, тікелей жолаушылар рейстерін іске қосу мәселесін талқылады.
Кездесуде Ресейден Қазақстанға тікелей рейстерді кеңейтудің туризм, іскерлік байланыстар, мәдениет және спорт салаларындағы ынтымақтастықты дамыту үшін маңызы атап өтілді.
Жаңа рейс компаниялар мен екі ел азаматтарының байланысын жандандырып, тікелей әуе тасымалына өсіп келе жатқан сұранысты қанағаттандыруға және Қазақстанның көлік қолжетімділігін арттыруға ықпал етеді деп күтілуде.
