«ҚазМұнайГаз» ҰК АҚ еншілес кәсіпорны — «Атырау мұнай өңдеу зауыты» ЖШС электрондық рұқсат-нарядтар жүйесін енгізді. Ол қауіпті жұмыстарды орындау кезіндегі қауіпсіздікті қамтамасыз етуге және бақылауды күшейтуге арналған.
Жөндеу, жер қазу, электротехникалық, от және газ қауіпті жұмыстарға рұқсаттар электронды түрде рәсімделіп, келісіледі. Құжатқа компьютер арқылы электрондық цифрлық қолтаңбамен немесе eGov Mobile қосымшасы арқылы қол қоюға болады. Жұмысқа барлық жауапты тұлға құжатқа қол қойғаннан кейін ғана кірісуге рұқсат етіледі.
Жүйеде жасанды интеллект көмекшісі бар. Ол рұқсат-нарядтардың дұрыс толтырылуын тексеріп, қауіпсіздік шараларындағы ықтимал олқылықтарды анықтайды және зауыттың ішкі нұсқаулықтарына сүйеніп ұсыныс береді. Соңғы шешімді жауапты қызметкер қабылдайды.
