Еуразиялық даму банкі (ЕАӨБ), БҰҰ-ның Өнеркәсіптік даму ұйымы (ЮНИДО) және Қырғыз Республикасының Су ресурстары, ауыл шаруашылығы және қайта өңдеу өнеркәсібі министрлігі Қырғызстанда интеграцияланған агроазық-түлік паркін құру жобасын дайындау туралы үшжақты келісімге қол қойды.
ЕАӨБ жобаға $371 мың бөледі. Қаражат алдын ала техникалық-экономикалық негіздеме әзірлеуге, паркті дамытудың оңтайлы моделін анықтауға және инвестиция тарту стратегиясын жасауға жұмсалады.
Жоба ауыл шаруашылығы өнімдерін өндіру мен өңдеуді біріктіретін алаң құруды көздейді. Өнім сапасын сақтауға және оны соңғы тұтынушыға жеткізу тізбектерін дамытуға басымдық беріледі.
