31 қазан және 1 қарашада Алматыда Қазақстан өңірлері және қала фермерлері мен тауар өндірушілерінің қатысуымен кеңейтілген ауыл шаруашылығы жәрмеңкесі өтеді. Сатып алушыларға 400 тоннадан астам өнім орташа нарықтық бағадан 8–20% арзан ұсынылады. Бұл туралы қалалық Кәсіпкерлік және инвестициялар басқармасы хабарлады.
Жәрмеңке Қазыбек би көшесінде, Абылай хан даңғылы мен Панфилов көшесінің аралығында өтеді. Қала тұрғындары ет, көкөніс, жеміс-жидек, сүт өнімдері және басқа азық-түлікті өндірушілердің өзінен сатып ала алады.
Қатысушылар 170 тонна көкөніс, 100 тонна ет өнімін, 70 тонна сүт өнімін және 50 тонна жеміс әкелуді жоспарлап отыр.
