2026 жылы Алматы қаласы әкімдігінің қолдауымен Алматы қаласы музейлер бірлестігі Наурызбай ауданындағы Қарағайлы қорымында ерте темір дәуірінің сақ кезеңіне жататын қорғанға шұғыл археологиялық қазба жүргізді. Археологтар алтын бұйым және көптеген адам сүйектерін тапты.
Қорғанның диаметрі 25–26 метр, биіктігі шамамен 2,5 метр. Алдын ала мерзімдеу бойынша ол б.з.д. IV–III ғасырларға жатады. Қорған ежелгі заманда тоналған, тонаушылар қазған шұңқырдың тереңдігі — 3 метр.
Қазба кезінде сақ керамикасының сынықтары да табылды. Мамандардың болжамынша, қорғанда төрт ересек адам мен үш бала жерленуі мүмкін. Жерленгендердің нақты саны әлі анықталған жоқ, ал көптеген артефакт қорған тоналғаннан кейін ретсіз шашылып қалған.
