Қарағанды облысының Бұқар жырау ауданында «Ақнар-ПФ» серіктестігінің 28-құс қорасы жұмысын бастады. Ол 20,5 мың құсқа арналған және кәсіпорынның тауық етін өндіру көлемін арттыруға мүмкіндік береді.
Жобаны мемлекет қолдаған: «Агробизнес» бағдарламасы аясында жеңілдетілген қаржыландыру берілді. Жаңа нысанға еуропалық жабдық орнатылып, «ақылды» климат-бақылау жүйесі енгізілді.
Серіктестік директоры Виктор Колчевтің айтуынша, жүйе климат өзгерісіне қарай өздігінен реттеледі және жергілікті жағдайға бейімделген. Оның сөзінше, жабдықты дәл басқару өнім сапасын жақсартуға және энергия ресурстарын үнемдеуге көмектеседі.
