Қарағанды тамақтану және сервис колледжінің оқытушысы Диана Кабышова Түркияның Анталья қаласында өткен халықаралық Gastro Antalya Fest фестивалінде екінші орын алды. Ол «Жылдың жас алтын шеф-аспазы» номинациясында жүлдегер атанды.
Биыл жыл сайын өтетін фестивальге 42 елдің өкілдері қатысты. Қарағандылық маман халықаралық конкурсқа алғаш рет қатысып, бірден жүлделі орын иеленді.
Қатысушыларға 70 минут ішінде екі порциядан суық тіскебасар, ыстық тағам және десерт әзірлеу тапсырылды. Кабышова қызанақтан жасалған карпаччо, бал соусы қосылған албырт стейкі және шоколадты брауни дайындады.
