Қазақстан Республикасы Сыртқы істер министрінің орынбасары Арман Исагалиев Кувейтке жұмыс сапары аясында Кувейттің Тікелей инвестицияларға жәрдемдесу басқармасының (KDIPA) бас директоры шейх Мишааль Ас-Сабахпен және кәсіпкер шейха Ухуд Ас-Сабахпен кездесті.
KDIPA басшылығымен кездесуде тараптар Қазақстан мен Кувейт арасындағы инвестициялық ынтымақтастықтың келешегін, азық-түлік қауіпсіздігін және агроөнеркәсіп саласындағы өзара іс-қимылды талқылады. Қазақстан тарапы ауыл шаруашылығы өнімдерінің экспорттық әлеуетін таныстырды.
Кувейт тарапы ынтымақтастықтың келесі қадамдарын іс жүзінде пысықтауға мүдделі екенін білдірді. Ауыл шаруашылығы өнімдерін импорттайтын кувейттік компаниялар өкілдерінің отандық өндірушілердің мүмкіндіктерімен танысуы үшін Қазақстанға сапарын ұйымдастыруға жәрдемдесу туралы келісілді.
