Қазақстан Үкіметінде Премьер-министрдің орынбасары — ұлттық экономика министрі Серік Жұманғариннің төрағалығымен автомобиль жолдарының ақылы болуына қатысты жұмыс тобының алғашқы отырысы өтті. Қатысушылар жол алымдарының қолданыстағы жүйесін жетілдіру және жолдарды күтіп ұстау мен жөндеуді қаржыландырудың тұрақтылығын арттыру жөніндегі ұсыныстарды қарады.
Талқылаудың негізгі тақырыбы — отандық және шетелдік тасымалдаушыларды қоса алғанда, коммерциялық жүк көліктерінің жол ақысын төлеу тәсілдері. Ұсынылып отырған шаралар азаматтардың жеке жеңіл көліктерінің жүру шарттарын өзгертпейді.
Сақтандыру саласының тәуелсіз сарапшысы Айгерім Қарабыыйқоғлу Қазақстан мен көрші елдердегі ақылы жол тарифтерінің айырмашылығына назар аударып, оларды өңірлік деңгейге жақындату мүмкіндігін және отандық тасымалдаушылар үшін бөлек шарттарды қарастыруды ұсынды. Сондай-ақ шетелдік жүк көліктері мемлекеттік шекарадан өткен кезде оларды сақтандыру тетіктерін пысықтау ұсынылды.
