«ҚазМұнайГаз» ҰК АҚ БҰҰ-ның Орталық Азиядағы Жаһандық шарты желісі ұйымдастырған SDG Champions 2026 байқауында бас жүлдеге ие болды. Марапат компанияның БҰҰ-ның Тұрақты даму мақсаттарына қосқан үлесі үшін берілді.
Марапаттау рәсімі 2026 жылғы 10 қарашада Алматыда БҰҰ күніне орай ұйымдастырылған «Бизнес және Тұрақты даму мақсаттары» өңірлік форумы аясында өтті. Байқау қорытындысы бойынша компания «Ірі бизнес» санатында ең жоғары марапатты иеленді.
SDG Champions байқауына Қазақстан, Өзбекстан, Қырғызстан, Тәжікстан және Түрікменстаннан БҰҰ-ның Жаһандық шартына қатысатын компаниялар қатысады. Байқау бизнестің Тұрақты даму мақсаттарына қосқан үлесін және Орталық Азиядағы жауапты әрі орнықты қызмет жүргізу тәжірибесін атап өтуге бағытталған. 2026 жылы компаниялардың 2025–2026 жылдардағы нәтижелері бағаланды.
