Қырғызстанда ауыл шаруашылығы дақылдарын жинау науқаны аяқталып келеді. 23 қыркүйектегі жағдай бойынша дәнді дақылдар 586,8 мың гектардан жиналды. Бұл өткен жылдың сәйкес күнінен 3,4%-ға көп.
Дәнді бұршақ, күріш және қарақұмықты есептемегенде, бастапқы кіріске алу салмағымен 2 млн 49,1 мың тонна астық бастырылды. Бір гектардан алынған өнім 34,9 центнер болды.
Арпаның жалпы түсімі өткен жылғы көрсеткіштен 53,6%-ға, бидай 45,2%-ға, майлы дақылдар 17,3%-ға артты. Картоп түсімі 10,3%-ға, жеміс-жидек 7,9%-ға, бақша дақылдары 4,3%-ға көбейді.
