«ҚазМұнайГаз» ұлттық компаниясының еншілес кәсіпорны «Маңғыстаумұнайгаз» АҚ «Сапарларды басқару» ақпараттық жүйесін өндірістік пайдалануға енгізді. Жүйені «ҚазМұнайГаз» «KMG Digital» ЖШС-мен бірлесіп әзірлеген.
Платформа өндірістік бөлімшелерді, диспетчерлік қызметтерді және көлік ұйымдарын біріктіреді. Ол өтінім беруден және келісуден бастап, техника мен жүргізушілерді тағайындау, жұмыстың орындалуын бақылау және өтінімді жабуға дейінгі кезеңдерді қамтиды.
Автоматтандыру қағаз құжат айналымы мен күнделікті операцияларды азайтуға, өтінімдерді жылдамырақ өңдеуге, көлікті бөлудің ашықтығын арттыруға және бақылауды жеделдетуге мүмкіндік береді.
Қазіргі кезде жүйеде көлікке қажеттілік бойынша 1 229 өтінім беріліп, өңделген. 97 пайдаланушы қосылған: олардың 85-і өндірістік цехтардың өкілдері, 12-сі автоколонна қызметкерлері. Платформаға 744 көлік құралы біріктірілген.
Өтінімдердің 865-і «Қаламқасмұнайгаз» өндірістік басқармасына, 364-і «Жетібаймұнайгаз» өндірістік басқармасына тиесілі. Жүйенің функционалдық мүмкіндіктерін кеңейтіп, оны корпоративтік процестерге одан әрі біріктіру жоспарланып отыр.
Бұған дейін осындай шешім «Өзенмұнайгаз» АҚ, «Қаражанбасмұнай» АҚ және мұнай сервистік ұйымдарда — «Oil Services Company», «Oil Construction Company» және «Ойл Транспорт Корпорейшэн» ЖШС-ларында енгізілген.
