Пәкістанның Федералдық кірістер кеңесі Ұлттық сату салығы декларациясын (NSTR) іске қосты. Іс-шараға елдің Қаржы және кірістер жөніндегі федералдық министрі Шаукат Фаяз Ахмед Тарин қатысты.
Бұған дейін салық төлеушілер әр ай сайын салық жинайтын әр органға бөлек декларация тапсыруға мәжбүр болған. Мысалы, елдің барлық өңірінде қызмет көрсететін телекоммуникация компаниясы Федералдық кірістер кеңесіне және провинциялық кірістер органдарына есеп беретін.
Жаңа жүйе ішкі операциялар мен шот-фактураларды бірыңғай дерекқорда жинайды. Ол кіріс салығын автоматты түрде есептеп, декларацияны дайындайды және тиісті органдарға төленетін соманы анықтайды.
