АтырауНефтеМаш алаңында Теңіздегі салынып жатқан Газ сепарациясы кешеніне (ГСК) арналған үш пропан буллитін өндіру басталды. Бұл — тазартылған пропанды әрі қарай тасымалдағанға дейін қауіпсіз сақтауға арналған ірі сыйымдылықтар. KMG PetroChem басқарма төрағасы Диаз Диянов өндіріс алаңына барып, жұмыстардың барысымен танысты.
Зауытқа қажетті табақ металл толық жеткізілді. Оның барлық партиясы инспекциядан және кіріс бақылауынан өтті.
Қазір сыйымдылықтардың корпустарын жасауға дайындық жүріп жатыр. Әр буллиттің ұзындығы 42,75 метр, диаметрі 7,5 метр, көлемі 1 808 текше метр болады.
