6 қарашада Қытайға жұмыс сапары аясында «QazaqGaz» ұлттық компаниясы» АҚ басқарма төрағасы Әлібек Жамауов қытайлық серіктестермен Қашаған кен орнының шикізаты негізінде жылына 2,5 млрд текше метр газ өңдейтін зауыт салу жөнінде келіссөз жүргізді.
Кездесу қорытындысында нысанды жобалау, жабдықтау, салу және пайдалануға беру туралы EPCC-келісімшартқа қол қойылды. Құжатқа ұлттық компанияның еншілес ұйымы «QazaqGaz Processing» ЖШС және China National Chemical Engineering Sixth Construction Company – Kazakhstan Branch, China Wuhuan Engineering Corporation Ltd., «AVC Production» ЖШС мен «C-NRG (Синерджи)» ЖШС кіретін консорциум қол қойды.
Жаңа зауыт құрылысы Қазақстан үшін стратегиялық маңызға ие және Мемлекет басшысының тапсырмасы бойынша жүзеге асырылып жатыр.
