Сауда алаңы 100 шаршы метрден асатын сауда нысандары сауда алаңының немесе сөре кеңістігінің кемінде 30 пайызын отандық өндіріс тауарларына бөлуге міндетті. Талап азық-түлік және азық-түлік емес өнімдерге де қатысты.
Қарағанды облысы бойынша Сауда және тұтынушылардың құқықтарын қорғау департаментінің басшысы Абзал Рахымбаевтың айтуынша, отандық тауарлар арнайы баға белгілерімен немесе «Сделано в Казахстане» таңбасымен көрсетілуі керек. Қазақстандық өндірушілер тауар жеткізуге өтінім бермесе, сауда желілері жеткізушілерді Отандық өндірушілердің бірыңғай тізілімінен таңдай алады.
30 пайыздық норма әр тауар санаты мен кіші санатына, сондай-ақ тұтас сауда нысанына қолданылады. Талап бірінші санаттан төртінші санатқа дейінгі дүкендерге қатысты. Аумағы 100 шаршы метрден аз нысандар бұл талаптан босатылады.
