Қарағанды облысындағы Qarmet компаниясына қарасты «Тентекская» шахтасы он жылда алғаш рет миллион тонна көмір өндірді. Кәсіпорынның 2026 жылға арналған жоспары — 1,2 млн тонна.
Шахта ұзақ уақыт тоқтап тұрғаннан кейін өндірістік әлеуетін қалпына келтіріп, жабдықтарын жаңартып жатыр. Биыл екі жаңа негізгі ауа беретін оқпанды пайдалануға беру және көмірді құрғақ байытуға арналған жерүсті кешенінің құрылысын бастау жоспарланған.
Шахта директоры Владимир Шнельдің айтуынша, жаңа оқпандар жерасты қазбаларына таза ауаның қосымша берілуін қамтамасыз етіп, тау-кен жұмыстарының ауқымын кеңейтуге және жаңа учаскелерді игеруге мүмкіндік береді.
