Ұлытау облысында «Жезқазған – Арқалық – Петропавл» республикалық маңызы бар автомобиль жолының 109 шақырымдық учаскесіне орташа жөндеу аяқталды. Жөнделген жолдың 143-шақырымынан 252-шақырымына дейін көлік қозғалысы ашылды.
Жезқазғаннан Қостанай облысының шекарасына дейінгі республикалық жолдың жалпы ұзындығы — 238 шақырым. Жөндеу Ұлытау елді мекенінен көршілес облыстың шекарасына дейінгі аралықты қамтыды.
Жоба аясында жол жеті учаскеге бөлінді. Жұмыс кезінде 17 су өткізгіш құбыр орнатылып, жаңартылды, сондай-ақ Балға көпірі жөнделді.
