15 қазанда президент Сердар Бердымұхамедов «Daewoo Engineering & Construction Co., Ltd.» кореялық компаниясы директорлар кеңесінің төрағасы Чон Вон Джунды қабылдады.
Кездесуде ірі кореялық компаниялардың Түрікменстанның мұнай-газ және химия өнеркәсібіндегі жобаларды көп жылдан бері жүзеге асырып келе жатқаны айтылды. Бұл екіжақты экономикалық ынтымақтастықты дамытуға үлес қосады. Тараптар «Daewoo» компаниясымен ынтымақтастыққа ерекше назар аударды.
Компания басшысы шарттық міндеттемелерді орындауға әрдайым дайын екенін айтты.
Сердар Бердымұхамедов химия өнеркәсібі елдегі қарқынды дамып келе жатқан салалардың бірі екенін атап өтті. Оның айтуынша, жергілікті шикізатты пайдалану, ұлттық экономиканың салаларына қажет өнімдер мен экспортқа бағдарланған тауарлар өндіру — саланы дамытудың негізгі стратегиясы.
Президент Түрікменстанда экономиканы жаңғырту және әртараптандыру жұмыстары жүргізіліп, мемлекеттік бағдарламалар аясында ірі өндірістік жобалар жүзеге асырылып жатқанын айтты.
Компания басшысы Түрікменстанның әлеуметтік-экономикалық бағдарламаларына үлес қосу өзі басқаратын компания үшін үлкен мәртебе екенін жеткізді. Ол «Daewoo Engineering & Construction Co., Ltd.» компаниясының Түрікменстан нарығында тиімді жұмыс істеуіне жасалған жағдай үшін алғыс білдірді.
