Қазақстанда жаңа өнімнің астығы жоғары сапасымен ерекшеленеді. Вегетация кезеңіндегі күрделі ауа райына қарамастан, аграршылар мол өнім жинап, бидайдың нан пісіру қасиеттерін сақтап қалды.
Алдын ала деректер бойынша, элеваторларға жеткізілген жұмсақ бидайдың шамамен 72%-ы үшінші сұрыпқа жатады. Зерттелген үлгілердің 48%-ында желімтек мөлшері 28%-дан асты.
Жекелеген өңірлерде көрсеткіштер орташа деңгейден жоғары. Ақмола облысында үшінші сұрыпты бидайдың үлесі 90%-ға, ал Hi-Pro санатының үлесі 70%-ға жетеді.
