Алматыда Қазақстан репродуктивті медицина қауымдастығының XVIII халықаралық конгресі жұмысын бастады. Оған 25 елден 1000-нан астам маман қатысып жатыр. Форум Қазақстанда экстракорпоральды ұрықтандыру (ЭКҰ) әдісімен алғашқы бала дүниеге келгеніне 30 жыл толуына орай ұйымдастырылды. Ол 1996 жылғы 31 шілдеде туған.
Денсаулық сақтау министрі Ақмарал Әлназарова қатысушыларға жолдаған құттықтауында Қазақстанда адамның өмір бойы репродуктивті денсаулығын сақтауға назар аударылатынын айтты. Бұл бағытқа отбасы, алдын алу және емдеу, жүктілікке дайындық, ана мен бала денсаулығын қорғау қызметін дамыту кіреді.
Министрдің айтуынша, қабылданған шаралар нәтижесінде соңғы бес жылда ана өлімі төрт есе, ал нәресте өлімі 30 пайызға азайған. Мемлекет басшысының тапсырмасына сәйкес ЭКҰ бағдарламаларын қаржыландыру көлемі жеті есе артқан.
