АҚШ-тың Қазақстандағы өкілдігі American Corners желісінің 2026–2027 жылдарға арналған жаңа іс-шаралар циклін жариялады. Бастама жастардың мүмкіндіктерін кеңейтуге және оларды түрлі іс-шараларға тартуға бағытталған.
Биылғы бағдарламада ғылым, ғарыш және технология салаларындағы америкалық инновациялар, сондай-ақ америкалық бизнес пен сауданы ілгерілету қамтылады.
Іс-шаралар Астана, Алматы, Шымкент, Орал, Өскемен, Қостанай, Қарағанды, Павлодар, Петропавл және Ақтөбе қалаларында өтеді. Ұйымдастырушылар жастарды білім беру және шығармашылық бастамаларға тартуды, АҚШ пен Қазақстан арасындағы байланыстарды нығайтуды көздейді.
