Астанада қоғамдық кеңістіктерді ретке келтіруге бағытталған «Антивандал» акциясы аясында есірткі жарнамасы бар және рұқсатсыз салынған 360-тан астам жазу мен граффити боялды.
Кезекті шара «Жағалау-3» тұрғын үй кешеніндегі балалар алаңында өтті. Оған еріктілер және Құрылыс-техникалық колледжінің студенттері қатысып, алаңды қалпына келтіріп, қабырғалардағы жазулар мен суреттерді бояды.
«Астана жастары» жастар ресурстық орталығының құқық бұзушылықтың алдын алу бөлімінің маманы Асланбек Бапаевтың айтуынша, «Антивандал» еріктілер қозғалысы басталғалы бері осы бағытта 40-тан астам шара ұйымдастырылған.
