Қазақстанға көшуді жоспарлаған этникалық қазақтар қандас мәртебесін алу үшін тоғыз кезеңнен өтуі керек. Алдымен қоныстанатын өңірді таңдап, тұру және жұмысқа орналасу шарттарын алдын ала анықтау қажет. Қазақстанда қоныс аударуға арналған жеті өңір белгіленген.
Келесі кезең — testcenter.kz сайтында ҚАЗТЕСТ тапсыру. 60 сұрақтан тұратын тесттің тыңдалым және оқылым блоктарының әрқайсысынан кемінде 70 пайыз жинау қажет.
Одан кейін өтініш беруші білімі, жұмыс тәжірибесі, кәсіби дағдылары, тілді меңгеруі, денсаулығы және отбасы құрамы туралы сауалнама толтырады. Осы мәліметтер негізінде скоринг — балдық бағалау жүргізіледі.
