Астанада қалалық нысандарды рұқсатсыз жазулар мен суреттерден тазартуға арналған «Антивандал» акциясы өтті.
Іс-шараны «Астана жастары» жастар ресурстық орталығы және Сарыарқа ауданы әкімінің аппараты ұйымдастырды. Акцияның құрметті қонағы — қазақстандық спортшы, бұрынғы балуан және ММА жауынгері, Astana MMA Top Team спорт клубының негізін қалаушы әрі бас жаттықтырушысы Нұрлан Қарабалин болды.
Қатысушылар ғимараттардың қасбеттеріндегі заңсыз жазулар мен граффитиді өшірді. Акцияның мақсаты — елорданың көркін сақтау, тазалық пен тәртіпті қолдау және тұрғындардың қалалық мүлік пен қоғамдық кеңістіктерге ұқыпты қарауын қалыптастыру.
