Әзербайжан президенті Ильхам Әлиев 7 қарашада Ханкендиде Қарабақ университетінің кітапханасы және Инновация орталығы ғимараттарының іргетасын қалау рәсімдеріне қатысты.
Оған ғимараттарда жасалатын жағдай туралы мәлімет берілді. Кітапхана оқу, ғылыми-зерттеу және инновациялық қызметті қолдап, студенттер мен университет қызметкерлерінің білім және ақпаратқа деген сұранысын өтеуге арналған.
Заманауи талаптарға сай төрт қабатты кітапханада бір мезгілде шамамен 1100 студент пайдалана алатын оқу залдары, жеке және топпен жұмыс істеуге, кездесулер мен академиялық ынтымақтастыққа арналған орындар қарастырылады. Кітапхана өңір тұрғындары үшін де ақпарат көзі болмақ.
