Қазақстан мен Өзбекстан киік популяциясын сақтау және қалпына келтіру жөніндегі өзара түсіністік туралы меморандумға қол қойды.
Құжатқа Қазақстан Республикасының Экология және табиғи ресурстар министрі Әлибек Қуантыров және Өзбекстан Республикасы Экология және климаттың өзгеруі жөніндегі ұлттық комитетінің төрағасы Азиз Абдухакимов қол қойды.
Меморандум екі елдің киікті қорғау, трансшекаралық көші-қон жолдарын сақтау және жануардың табиғи мекенін қалпына келтіру жөніндегі күш-жігерін біріктіруге бағытталған. Тараптар киік санына, көші-қонына және денсаулығына бірлесіп мониторинг жүргізіп, ғылыми деректермен алмасуды көздеп отыр.
