2026–2027 оқу жылынан бастап Қазақстанның орта білім беру ұйымдарында 5–11 сынып оқушыларына «Жеке қауіпсіздік» курсы өткізіліп келеді. Оның мақсаты — қауіпсіз жүріс-тұрыс дағдыларын қалыптастыру, тәуекелдерді дұрыс бағалауға, саналы шешім қабылдауға және қажет болса ересектерден дер кезінде көмек сұрауға үйрету.
Бағдарлама оқушылардың жас ерекшеліктерін ескере отырып әзірленген және практикалық сабақтарға бағытталған. Оқушылар өмірлік жағдайларды талдайды, рөлдік ойындарға қатысады және қауіпсіз әрекет ету мен эмоцияны басқару дағдыларын дамытуға арналған жаттығулар орындайды.
5–8 сыныптарға жылына 8 сағат, 9–11 сыныптарға 17 сағат бөлінген. Бағдарламада практикалық және диагностикалық сабақтар бар. Жоғары сынып оқушылары үшін түзету-дамыту бағытындағы сабақтар да қарастырылған.
