Қазақстанда тіркелген 3 073 дәрі атауының 799-ының бағасы төмендеді. Бұл жалпы санның 26%-ын құрайды. Денсаулық сақтау министрі Ақмарал Әлназарова Үкімет отырысында дәрілердің әр төртіншісінен астамы арзандағанын айтты.
Министрдің сөзінше, халық үшін дәрілердің қолжетімділігін арттыру — ведомствоның негізгі басымдықтарының бірі. Бағаның оң динамикасы фармацевтикалық нарыққа жүргізілген цифрлық мониторинг нәтижесінде анықталған. Айналымдағы дәрілердің жартысынан астамының бағасы тұрақты.
Мемлекет басшысының тапсырмаларын орындау аясында дәрі бағасын мемлекеттік реттеу тәсілдері қайта қаралды. Рецептсіз сатылатын дәрілерге, сондай-ақ құны бір айлық есептік көрсеткіштен төмен рецептімен берілетін дәрілерге баға реттеуі алынып тасталды.
