Қазақстанның Төтенше жағдайлар министрі Мұрат Мұханов Алматыға жұмыс сапары кезінде «Төменгі Каменка» сейсмологиялық станциясының жаңа модульдік ғимаратын ашты. Ол ведомствоның Ұлттық сейсмологиялық бақылаулар және зерттеулер ғылыми орталығына қарайды.
Станция қаланың Наурызбай ауданында орналасқан және 1979 жылдан бері жұмыс істейді. Бұрынғы ғимараттың техникалық жағдайы қанағаттанарлықсыз болған. Жаңғырту аясында жабдықтарды орналастыруға және қызметкерлердің жұмысына жағдай жасауға арналған жаңа модульдік ғимарат салынды.
Станцияда сейсмикалық, геофизикалық және гидрогеохимиялық бақылаулар жүргізіледі. Мамандар жер бетінің қозғалысын, жерасты суларының деңгейі мен құрамындағы өзгерістерді бақылайды.
