Солтүстік Қазақстан облысында жаңа форматтағы цифрлық кеңсе — AI-кеңсе ашылды. Жоба тұрғындардың мемлекеттік қызметтерге қолжетімділігін арттыруға, цифрлық сауаттылығын дамытуға және электрондық сервистерді өз бетінше пайдалануына бағытталған.
Ашылу рәсіміне облыс әкімі аппаратының басшысы Руслан Алишев және «Азаматтарға арналған үкімет» мемлекеттік корпорациясы басқармасының төрағасы Арман Кенжегалиев қатысты.
Кеңседе бірнеше аймақ бар. Экспресс-аймақта жеке куәлік немесе паспорт алуға өтініш беруге, цифрлық аймақта мемлекеттік қызметтерді онлайн алуға болады. Сарапшылар аймағында мамандар кеңес береді.
