Қазақстанның барлық 20 өңірінде психологиялық қолдау орталықтары жұмыс істейді. Олар балаларға, ата-аналарға және педагогтерге көмек көрсетіп, кәмелетке толмағандар арасындағы буллингтің, зорлық-зомбылықтың және суицидтік мінез-құлықтың алдын алады.
2026 жылдың басынан бері орталықтарда 33 мыңнан астам адам кеңес алған. Олардың шамамен 19 мыңы — балалар, 10 мыңнан астамы — ата-аналар және 4,3 мыңы — педагогтер.
Орталықтар жеке кеңестермен қатар профилактикалық жұмыс жүргізіп, білім беру ұйымдарының мамандарына әдістемелік қолдау көрсетеді. Жыл басынан бері мектеп психологтары мен білім беру жүйесінің басқа да мамандарының кәсіби біліктілігін арттыруға арналған семинарлар, вебинарлар және практикумдарды қоса алғанда, 25 мыңнан астам іс-шара өткізілген.
