Шымкентте Асар-2 шағынауданындағы 55 пәтердің кілтін табыстау рәсімі өтті. Іс-шараға қала әкімі Ғабит Сыздықбеков қатысты.
Пәтерлер кейін сатып алу мүмкіндігімен жалға беріледі. Оларды мүгедектігі бар азаматтар, көпбалалы және толық емес отбасылар, ерекше қажеттіліктері бар балаларды тәрбиелеп отырған ата-аналар, жесірлер, жетім балалар және ата-анасының қамқорлығынсыз қалған балалар алды.
Бұл тұрғын үй қолдау түрі пәтерде тұрып, кейін оны сатып алуға мүмкіндік береді. Осылайша отбасылар уақыт өте келе баспананың толыққанды иесі бола алады.
