Дүниежүзілік денсаулық сақтау ұйымының (ДДСҰ) бас директоры Тедрос Аданом Гебрейесус Қазақстан Президенті Қасым-Жомарт Тоқаевтың алғашқы медициналық-санитариялық көмектің учаскелік қызметіндегі медицина қызметкерлерінің жалақысын көтеру туралы шешімін қолдады.
Гебрейесус Facebook парақшасында Қазақстандағы 77 мың медицина қызметкерінің жалақысын көтеруге бағытталған міндеттемені және халықтың денсаулығы мен әл-ауқатын мемлекеттік саясаттың назарында ұстауға ұмтылысты жоғары бағалайтынын жазды.
Оның айтуынша, алғашқы медициналық-санитариялық көмекке инвестиция салып, медицина қызметкерлерін қолдау саяси ерік-жігер мен көшбасшылықтың медициналық қызметтердің сапасы мен қолжетімділігін арттыра алатынын көрсетеді.
