Қостанай облысындағы «Регион-10» ерікті іздеу-құтқару жасағы жеті жылдан бері жоғалған адамдарды іздеп, қиын жағдайға тап болғандарға көмектесіп келеді. Осы уақыт ішінде еріктілер 621-ден астам іздеу-құтқару операциясын өткізіп, 473 адамды тірідей тапқан.
Қазір жасақта 18 жастан асқан 180-нен астам белсенді ерікті және 30 жасөспірім бар. Олар тәулік бойы ақысыз жұмыс істейді.
Еріктілер қалада және табиғи аумақта іздеу жүргізеді, жаңа қатысушыларды оқытады, алдын алу шараларын ұйымдастырады және төтенше жағдайларға көмек көрсетеді.
