Алматыда 200 гид пен экскурсовод туристерге қызмет көрсету және экскурсияларды ұйымдастыру бойынша оқудан өтті. Курстарды қала туризм басқармасы 15-27 қазан аралығында өткізді.
Сабақты Туристік гидтер қауымдастықтарының дүниежүзілік федерациясының (WFTGA) ұлттық тренерлері жүргізді. Қатысушылар Алматы тарихын зерделеп, топ алдында сөйлеуді, экскурсия бағыттарын әзірлеуді және халықаралық қызмет көрсету стандарттарын қолдануды үйренді.
Бағдарламаның практикалық бөлігінде мүгедектігі бар туристерді алып жүру ерекшеліктері және дәрігерге дейінгі алғашқы көмек көрсету қарастырылды. Мамандарға тұрақты туризм қағидаттары да түсіндірілді.
