Минскіде өтіп жатқан XIII «Кітапхана мәдениет феномені ретінде» халықаралық конгресі аясында Қазақстан мен Беларусь ұлттық кітапханалары меморандум жасасты. Құжат кітап және ақпарат ресурстарымен алмасуды, бірлескен жобалар мен мамандардың кәсіби тәжірибе алмасуын көздейді.
2026 жылғы 28 қазандағы жағдай бойынша жастар практикасы аясында 21 981 жас маман жұмысқа орналасты. Қатысушылар уақытша жұмыс орындарында 12 айға дейін еңбек ете алады.
Қазақстан мен Германия агроөнеркәсіп кешеніндегі практикалық ынтымақтастықты кеңейтуді көздейді. Кездесуде диалогтың алтыншы кезеңінің басымдықтары талқыланды.
Қазақстанның 20 өңірінде ерекше білім беру қажеттіліктері бар балаларға арналған жаңа форматтағы арнайы мектептер салынады. Сондай-ақ оңалту және сауықтыру кабинеттерінде 600 орын құру көзделген.
29 қазанда Қазақстанда ТМД-ға қатысушы мемлекеттер ғалымдарының VI форумы ашылды. Оған сегіз елдің ғылым академияларының жетекшілері және ғалымдары қатысып жатыр.
Қазақстандықтардың зейнетақы жинағы 12 айда 10%-ға өсіп, 28,30 трлн теңге болды. Ең жоғары өсім жұмыс берушінің міндетті зейнетақы жарналары бойынша тіркелді.
Жезқазғанда 2–5 қарашада 23 жасқа дейінгі ерлер мен әйелдер арасында дзюдодан Қазақстан чемпионаты өтеді. Оған еліміздің әр өңірінен спортшылар қатысады.
Республикалық «Оқитын ұлт» жобасы аясында «Қазақстан» телерадиокорпорациясы қызметкерлеріне арналған кітап кеңістігін ашты. Ашылу кезінде Олжас Қасымның екі поэзиялық жинағы таныстырылды.
«Ұлттық қор – балаларға» бағдарламасы аясында 407 145 қазақстандыққа 88,86 млн доллардан астам нысаналы жинақ төленді. Қаражат тұрғын үй жағдайын жақсартуға және білім ақысын төлеуге бағытталды.
Қазақстан халқына Жолдауында Қасым-Жомарт Тоқаев өңірлердегі инфрақұрылымды ауқымды жаңғыртуды тапсырды. 2029 жылдың соңына дейін Ұлттық қордан шамамен 6,5 трлн теңге бөлу жоспарланып отыр.
Ғылым және жоғары білім министрлігі NVIDIA компаниясымен жасанды интеллект және жоғары өнімді есептеулер саласында кадр даярлау жөніндегі жұмысты дамытуда. Болашақта бағдарламаға 100-ден астам университетті тарту жоспарланған.
Қазақстан Қарулы күштерінің әскери қызметшілері Мемлекет басшысының халыққа Жолдауында белгіленген бағыттарды қолдады. Әскер үшін басым міндеттер — жауынгерлік даярлықты жетілдіру, заманауи қару-жарақ пен техниканы меңгеру және тәртіпті нығайту.
Tribuna.kz — қосымша ретінде
Экранда белгіше, тезірек ашылады.
